ROBALIZAS TAPADAS

ROBALIZAS TAPADAS

de LARPEIROS, el Lunes, 9 de enero de 2012 a la(s) 13:40

INGREDIENTES (para 5 persoas):

5 robalizas de ración

2 cebolas tenras

1 pemento verde

1 pemento vermello

2 tomates maduros

Aceite,  viño branco

Allo, sal

E para  acompañar:

Un brécol

1,5 quilos de mexillóns

4 patacas medianas

2 cenouras

Aceite e sal

Para empezar, imos cocer os mexillóns:

Poñemos no  lume unha  tarteira ampla cun fondo  de auga e botamos os mexillóns, lavadiños,  a  cocer.

Cando abren xa están e as pdoemos retirar a un bol.

Imos reservar unha pouca auga da súa cocción.

Comprobar que as robalizas están  limpas e  escamadas. Podemos poñerllles xa un ha  areiña de sal.

Preparamos  as verduras:

Cortalas en xuliana fina. Comezar co allo e as 2 cebolas tenras. Despois os pementos e os tomates.

Prender o forno a 180º.

Coller a bandexa do forno. Colocar as robalizas, as verduriñas por enrriba, botar viño branco, un pouco caldo dos mexillóns e un pouco aceite. Agora queda tapalas con papel de forno ou de aluminio (así vanse facer co seu vapor).

Deixar no forno (xa quente)  entre doce e quince minutos.

Mentres,  preparamos o  acompañamento: imos cocer o brécol, coas patacas e a cenoura e logo ímolo xuntar cos mexillóns.

Empezamos por colocar no  lume unha  tarteira con auga e  sal. Cortamos as flores de brécol e lles damos unha cocción  breve de catro-cinco minutos. Tamén cortamos as patacas en dadiños e botamos as cenorias. Deixamos cocer destapado.

Mentres cocen, imos ir escunchando mexillóns.

Pasados os 5 minutos retiramos as verduras a un bol coa axuda dun escoador e as reservamos.

Cando pasaron os 15 minutos do forno, abrimos e retiramos  a bandexa, destapamos as robalizas.

Toca poñer todo na fonte de servir: as robalizas, as verduras e os mexillóns.

Reducir un pouco o prebe que se fixo na bandexa para despois engadirllo porriba (podese engadir fariña milla).

Napar todo coa salsa e listo!